在本館主三十多年神功生涯裡見盡不少江湖騎呢事，不識開光風水佬又話自已識，神像入了邪又不知。不識捉鬼又自稱天師捉鬼大師，不是鬼上身又振振有詞吹水一番，明知無天眼睇不到又話學法弟子打座廿分鐘就睇到。
神功師父無僮身又扮僮上身，明係心理僮甚至集体上心理僮。客人問事就話六壬仙師上身，
嘰嘰咕咕扮神仙話或索性用廣府話，拍抬拍凳，扮手腳顫動搖頭搖髻，表惰十足。
有些人又索性話祖師欠佢至半夜夢中傳法，佢識既師父不識，有些神功師父又說鬼是不能捉的，因佢係無形。又話客人鬼上身又話奪舍。
手腳不停顫動又話精神病…身体皮膚如蟻爬行就話係降頭白蟻精…四肢關節內如被虫蛟又話係細菌精…半夜廳中電視風扇無故被開著甚至杯蝶移動床底敲聲就說邪師放魔鬼…
誠然比起內地邪師神棍吹水就小巫見大巫了，甚么空盤來蛇、剪一個黃紙人就話隔空可戳死對頭人…叫佢插死安倍至講啦
正是各修各德各施各法，世人難辨真偽可以理解，但身為修行者不識或扮識就有點誤導成份，本館大膽踢爆江湖騙人技倆非為爭虛名，
乃係希望善信用理智分辨清楚，切勿人云亦云。
